布袋澳海鮮餐

今日一行十幾人入布袋澳，五人由坑口坐的士入布袋澳81蚊，有些由寶琳坐綠van8 蚊一個。今日天氣不是太晒，不過冇藍天白雲，影相就唔靚。發記海鮮，以前食過幾次都覺得麻麻地，係好多年前就係係布袋澳食過紅瓜子同藍瓜子， 真係好有魚味，一試難忘。今次同學識店主貴哥，所以碟頭大件夾抵食，龍蝦好彈牙，好鮮甜，賴尿蝦味度好細緻，鮮味又嫩滑。杉班都鮮嫩，其它就不是太特別，蛋白花蟹啲蛋白唔夠滑， 扇貝粉絲唔夠林索唔到汁，不過海鮮湯就好鮮甜。

與波波一起的日子

看到南瓜燈同波波，便很懷念在百福同波波一起的日子，當然還有bebe 同mui mui,  不過兩小子冇半夜三更陪我做工課，佢地早已同milky大被同眠。在寒冷的凌晨，放工後還要趕工課，我坐在電腦枱前，波波就跳到我的懷裏，陪我一起做工課，一起上網，一起睇情書，  一時又跳上枱看着我，一時在keyboard 上行catwalk, 又有時扭計要抱抱，寒冷嘅冬天，大家都須要溫暖。 

Tefal特褔攪拌機

我沒有移情別戀，仍然咁鍾意Tefal, 佢又靚仔又有實力。今次佢又出手啦，事緣係 我係街市冇好似c9咁要試食先買，咁就中伏啦！
D提子酸過酸梅，醒神過白花油，食一粒已經想放棄，棄掉噢no , 唔可以咁冇食德，念起台灣有苦瓜蜂蜜，那我就整蜂蜜提子汁啦。 Tefal哥又要出嚟幫手，果然真材實料係唔同d,  淨係d色已經殺死人，靚到呢 。。。味道變得清清甜甜，濃濃提子味中帶清香蜂蜜，估唔到咁正。

我的寶貝女兒伊林和弟弟Tears

讀中學時就有咗伊林，佢係一個外國人給弟弟的，不過她就是跟着我一起長大，她今年年紀都不少了，真害怕她會秃頭，又怕她會皮膚爆裂，她的眼睫毛很長，但有些斷了，現在就是要幫佢影多些靚女相。她就是永遠那麼可愛，她的弟弟Tears 今年14歲了，Tears個樣 cool d ,冇乜表情，但他的眼神就像梁朝偉，眼睛好像會傾訴心事一樣。我兩個都一樣咁痛錫。每天都握着他們的小手，伴着他們睡覺，每天望着他們就sweet了。 
希望他們健健康康，快快樂樂。

伊林

我的寶貝女兒伊林同仔仔Tears

蕃茄濃湯海鮮烏冬

飲完華仔嘅魚湯，就好想整魚湯，咁今日街市的大眼雞特別平，上次買二條大雞50元滾湯， 今次買細條20元有8條，嘩正。就整蕃茄南瓜濃湯，首先將蕃茄同南瓜用蒜頭爆香下水，整個蕃茄湯底，跟住就煎魚滾魚湯，煲到d 魚爛哂， 白雪雪嘅魚湯就可以隔渣， 將魚湯同蕃茄湯混咪一齊，再加上蟹同蝦大滾後就可以加上喜歡嘅配料，嘩e 個湯好味到不得了，落了烏冬，索哂了湯，真係好好味， 平靚正。