蕃茄濃湯海鮮烏冬

飲完華仔嘅魚湯，就好想整魚湯，咁今日街市的大眼雞特別平，上次買二條大雞50元滾湯， 今次買細條20元有8條，嘩正。就整蕃茄南瓜濃湯，首先將蕃茄同南瓜用蒜頭爆香下水，整個蕃茄湯底，跟住就煎魚滾魚湯，煲到d 魚爛哂， 白雪雪嘅魚湯就可以隔渣， 將魚湯同蕃茄湯混咪一齊，再加上蟹同蝦大滾後就可以加上喜歡嘅配料，嘩e 個湯好味到不得了，落了烏冬，索哂了湯，真係好好味， 平靚正。