布袋澳海鮮餐

今日一行十幾人入布袋澳，五人由坑口坐的士入布袋澳81蚊，有些由寶琳坐綠van8 蚊一個。今日天氣不是太晒，不過冇藍天白雲，影相就唔靚。發記海鮮，以前食過幾次都覺得麻麻地，係好多年前就係係布袋澳食過紅瓜子同藍瓜子， 真係好有魚味，一試難忘。今次同學識店主貴哥，所以碟頭大件夾抵食，龍蝦好彈牙，好鮮甜，賴尿蝦味度好細緻，鮮味又嫩滑。杉班都鮮嫩，其它就不是太特別，蛋白花蟹啲蛋白唔夠滑， 扇貝粉絲唔夠林索唔到汁，不過海鮮湯就好鮮甜。