廣藏市場 鷺梁津

食完韓牛下午去廣藏市場買醬油蟹，返酒店放入雪櫃。
返港後拆盒分蟹，盒還是凍的，因為用咗保冷袋，所以帶回港是冇問題，寄倉就得。4 隻蟹60000w,  貴咗， 之後網友講10000w一隻。   
之後去鷺梁津食帝王蟹，媽媽食蟹好開心。 
返民宿hea, 黃昏景幾靚。

首爾 梨花女子大學

今早落街食早餐，行吓街先。見到舖內燉緊雞湯，好大鍋！ 
就係見到依間韓牛店，之後果日，諗住就腳咁就中伏。 
行到去教堂同清溪川一帶，對面就是批發區同shopping 廣場。
返hostel 附近一間麵包舖食早餐，之後去梨大。 
超靚的女子大學，很醉人。
好像卡通片的畫面，美得假的一樣。
歐洲式建築物。

走時食了一條脆脆，正！ 

其實梨大好多街仔行，小店我最like, 不過帶住媽媽，佢唔想行，咁就走。下次先最嚟過。 

弘大 風川炭燒鰻魚 2016

風川炭火燒鰻魚，我平時唔食鰻魚，因為佢好似蛇，細時在街市買了半條鱔回家，放了在雪櫃半天，拿出來還會動，嚇死人。
媽媽愛食， 咁就陪佢食。
即燒即食，好好味，脆脆，好鬆化。
雖然貴，但都值得一試。
本來想要二份三人食，但韓國食嘢真麻煩，唔比share,  三人要叫三人份量，咁就要咗三份。

炭燒風川鰻魚 풍천장어

地址：韓國首爾市麻浦區延南洞568-25號 

주소: 서울특별시 마포구 연남동568-25

電話：+82-2-332-8361

營業時間：每日，11am-12mn；農曆新年及中秋節休息

前往方法：2號線弘大入口站2號出口，步行約10分鐘

景福宮 土俗村蔘雞湯 2016

去景福宮就只是為了食人蔘雞，其實對景點沒大興趣。去到景福宮超大風又凍，行了一陣就走。即刻去今日焦點， 景福宮2號出口直行約十分鐘，入小巷就到咗好多自由行都去嘅土俗村人蔘雞，又話好味好正宗，咁就順便去試吓，不過我地就唔覺得好好味，唔夠人參味，同我十幾年前的味道相比，硬是爭D . 我地研究過，應該係太多糯米，個湯杰咗，所以飲起嚟唔夠清甜。我之前飲個隻人參雞好有參味而且清甜雞湯味。幸好今日早去唔駛排隊。不過我會下次再去另外一間試

人參雞湯。我好鐘意飲，間中會係吉之島買鮮人參煲雞湯，好好味。去韓國一定要飲。

土俗村蔘雞湯 

營業電話：02-737-7444

營業地址：首爾市鍾路區紫霞門路5巷5(體府洞) 서울 종로구 자하문로5길 5 (체부동)