首爾行2016 Nov 3rd

沒有想過會去韓國，但老媽話想去，佢話見到韓國好多嘢食，咁就決定同佢去一次。
十幾年前去過幾次之後就冇去過。
韓國經濟大變天，無論文化演藝、美容化妝、飲食、電子產業都帶領亞洲潮流。

第一次撘真航行，係大機。落機已經6點幾，係機場便利店買咗三張T-money,  之後係地鐡站增值一萬圜，上網卡係klook買咗，係香港機場攞。買一張128元5天3g ， 2.8 g 可以share 用，返嚟check 咗只係用咗1g 。 
由仁川機場撘機場線去首爾，再專1 號線去東大門，如果撘快線只係快十分鐘，但就貴一倍多，咁緊係撘普通綫。  
東大門站3 號出口行5 分鐘就到米色旅館。
我間房係E , oh so good,  依間hostel 非常方便，又可步行到東大門各大廣場shopping . hostel 房間有點細，但有隱定熱水沖涼，這對我很重要。有暖氣。床和被都好舒服，又乾淨。

樓下有好多帳幕排檔

第一晚就去咗食孔凌一隻雞。找數22000w. 唔明點解咁多人話好食，隻雞冇乜雞味，但好滑。不過湯底同薯仔好好味。試吓冇防，食完暖笠笠。