今次同朋友去中山玩, 朋友嘅老闆人面廣,所以樣樣都有discount, 還有人安排行程,專車接送, 實在太好啦.
酒店房間好新,還有可愛小兔同小狗.
在酒店包房飲茶, 有特別嘅合桃包, 脆口荷花蘿蔔, 同牛腩炒腸粉,還有黑腐竹, 都好好味.
未到晚飯時間, 去了足浴連按摩二小時.
晚飯去了一品粥食野生鰂魚蟹粥,還有其他配料, 粥很鮮. 蒸魚骨腩很滑,好肥美.
回酒店聽歌,開了兩枝紅酒, 有甜品同生果盆, 聽完歌已11點. 上房後有人嫌早,要開枱, 打了幾圈才各自回房瞓.
第二天, 8點半食過豐富自助早餐後, 就跟車遊市區, 還有到酒店老闆嘅私人養生場. 有可愛小馬,同香豬,從未見過咁乾淨嘅豬同豬欄,豬豬真幸福. 黃小馬不喜歡我影佢相, 眼屈屈.其他小馬大都唔鍾意影相, 比patpat 向住我. 小屋仔內有很多大兔,有如小狗般大,有專人打理, 養得肥肥白白.
下午去了茘苑食沙溪隆都菜, 有名嘅燒雞,同大煎堆,香煎魚咀, 南瓜扣肉, 蕉蕾肉絲粥, 炮彈香芋南瓜臘肉, 梅酒等. 梅酒好重三蒸味, milky果D 好飲D.
返酒店預備返港.有狗狗送我們一程.
沒有留言:
張貼留言