2015年5月3日晚 動物園站

融入日本文化~深夜食堂

明天便上機回港，今晚當然唔想咁早就瞓，雖然行了成日街，但返到飯店，總是想再浦多陣，又想食宵夜，好想食串燒啤啤佢，但好多舖頭都收了，其實有好幾間有人唱K ,係圍住張bar枱，攞住枝咪輪住唱，好舊色啊，不想入去打擾，但真的好有feel.

咁我地還是不放棄咁去搵食，再重覆行多個圈， 從窗邊見到有人食嘢又談笑風生，我們望呀望，終於老闆娘出來問我們想食乜，可惜大家都唔識講，但我地剩係講烏冬烏冬，都冇理佢就入咗去，其實我係見到串燒兩個字入去嘅，果然有串燒。嘩！好鬼正，好似日劇場面， 有兩個年輕青年在交談，一個男人自酙自飲，我倆，之後再來多二個女人，二個女人很快就同二個青年和老闆娘一齊飲酒聊天啊， 佢地應該係講緊呀媽， 因為我淨係聽到哦家珊依三個字好多次， 佢地成晚就係講呀媽，講得好開心。老闆娘仲叫我地睇牆上嘅餐牌，由上數落去落單就得。 本來仲想點燒茄子同要多串雞肉，不過見佢開始洗嘢，唔阻佢收工，就冇叫。

呀娘以為我地係星加坡人，佢話佢去過香港幾次。 

烏冬同串燒都好味，連兩杯啤酒都係120蚊港紙

一個開心的晚上，開心不單是食到宵夜，而是因為沒有放棄，最後都搵到心中的小店。