花膠冬菇火文鴨掌~ 伊林

煮這個餸其實唔難，但就要好有耐性睇火，因為花膠同鴨掌都好多膠，好易黏底，  黏底就會有焦味，咁就破壞晒成煲嘢，嘥料嘥心機。
首先浸咗冬菇先，冬菇水可以留番，用嚟火文嘢。冬菇可以蒸咗先，林D同香D.
花膠要預早浸好，同鴨掌一齊用薑葱出水，或者焗半粒鐘都得。
跟住起鑊，薑同米酒爆咗冬菇同鴨掌，火文咗先，其實鴨掌都好難林，煮咗半個鍾就可以放花膠，一齊再煮，每煮15分鐘就要兜，慎防黏底。大約煮咗30 分鐘就落5匙蠔油加少許糖再煮半個鐘。就可以了，如果用薄D嘅花膠就唔好煮咁耐，溶晒冇得食。
煮好後，最好轉落個靚靚嘅煲，食時可以加生菜，又或者加鮑魚都得。
今次煮得好味！！！
不過整完之後做埋清潔，一共用咗二粒鐘。
所以一定要預早整咗依個餸先，唔駛阻住個爐。