龍蝦伊麵

今日係Baby生日，本來想去The Market食自助餐，不過訂唔到位，兩星期前訂都話要十月尾才有位，就好像在日本大地震之前，訂碗屋一樣咁艱難，二月訂要五月才有得食。
地震後我都沒有取消訂位，照樣去食，那怕怎麼輻射。個場都有七成人，咁都唔知幾好，又唔嘈、又唔迫、上餐快；好過之前去果二次，但食物依然新鮮美味，難怪大地震後也能站得住.
前兩天想著不如在家食，簡簡單單煮少少，又可以表示我的心意。
咁就決定煮上湯龍蝦伊麵
下午去批發市場買了一隻波士頓龍蝦，第一次煮，唔敢買澳洲龍蝦，因為貴很多。
游水價　$138@LB, 1.3125斤X138=$181 不過唔知點解比錢又會計斤,唔記得問靚女.
不過覺得好抵食，好大隻，我唔敢劏佢......

如果有煮開飯，其實唔難煮，我都煮得唔差，蝦球好彈牙，不過伊麵煮得唔夠林，軟身Ｄ吸咗龍蝦汁同上湯會好味Ｄ，下次一定掂。

龍蝦洗淨斬件。。。抺乾。。。灑上生粉。。。泡油，要特別煎咗龍蝦頭先，因　為有好多膏，怕唔熟。。。盛起待用

伊麵要預先煮好放碟

先爆香乾蔥 - 2 粒、薑 - 2 片(唔好落咁多 薑，會搶咗龍蝦味）、蔥白 - ２ 條.

後把龍蝦連香料一起炒香。。。後加上湯一起焗。。。開生粉水煮獻汁至濃，淋在伊麵上便可或與伊麵一起兜亂都得。

買相唔係好得，下次要排靚靚，排番隻龍蝦出嚟！不過真係好好味嫁！

依枝白酒幾香果味，飲咗兩杯勁頭痛，幾粒鐘先退酒氣。

加拿大鱈蟹腳　1.07LBX88=  $94 ..蟹肉有鮮味不過咸水味都好勁
挪威三文魚　1LBX85 =85...　都幾好。
下次會試佢地的生蠔，因為要預訂所以下次先試。
還有牡丹蝦、鮑魚、海胆都好想試呀